Verilənləri suyun altında 31 Tbit/s sürətlə ötürmək mümkün olub

“Alcatel-Lucent” şirkəti verilənlərin suyun altında 7200 kilometr məsafədə optik lif vasitəsilə 31 Tbit/s sürətlə ötürülməsinə nail olub.

“ICTnews.az” elektron xəbər xidməti “digit.ru” saytına istinadən bildirir ki, sınaq zamanı 155 lazerdən istifadə edilib və onların hər biri verilənləri 200 Qbit/s sürətlə ötürüb.

Qeyd edək ki, “Alcatel-Lucent” şirkəti 2006-cı il dekabrın 1-də “Alcatel” və Amerikanın “Lucent Technologies” şirkətinin birləşməsi nəticəsində yaradılıb. Telekommunikasiya avadanlığının tədarükü, həmçinin verilənlərin ötürülməsi sahəsində tədqiqatlarla məşğul olur.

Emil Hüseynov
 
 
 

---