Azərbaycan Dövlət Radiotezliklər İdarəsində 368 idarə və təşkilat qeydiyyatdan keçib

Azərbaycan Rabitə və İnformasiya Texnologiyaları Nazirliyinin Dövlət Radiotezliklər İdarəsində 368 radiotezlik istifadəçisi (müəssisə, idarə, təşkilat və fiziki şəxslər) qeydiyyatdadır.

DRİ-dən "ICTnews" xəbər xidmətinə verilən məlumata əsasən, onlardan 69 istifadəçi dövlət, 247 istifadəçi kommersiya, 24 istifadəçi xarici təşkilat və 28 istifadəçi isə fiziki şəxslərdir.

İlin müvafiq dövrü ərzində 3132 ədəd radioelektron vasitəsi (REV) DRİ-də qeydiyyata alınıb. DRİ-də qeydiyyatda olan REV-in ümumi sayı 41560 ədəd təşkil edir.

Aynur Vəliyeva
 
 

---