Rabitə və İnformasiya Texnologiyaları Nazirliyinin elektron xəbər xidməti

“Xiaomi” şirkəti “Mi-3” qabaqcıl smartfonunu təqdim edib


"Xiaomi" şirkəti "Full HD" təsvir ölçülü 5 düymlük ekranla təchiz edilmiş yeni "Mi-3" qabaqcıl smartfonunu təqdim edib.

"ICTnews.az" elektron xəbər xidməti  bildirir ki, təqdim edilmiş qurğuda iki müxtəlif prosessor – "NVIDIA Tegra 4" və ya "Qualcomm Snapdragon 800" istifadə oluna bilər. Əməli yaddaşın həcmi 2 QB,  daxili fləş-yaddaşın həcmi 16 və ya 64 QB təşkil edir. Aparatın arxa panelində avtofokus və LED işıqlandırıcı ilə 13 meqapiksellik kamera, ön panelində isə 2 meqapiksellik kamera var, həmçinin "Wi-Fi", "Bluetooth 4.0" və "NFC" simsiz rabitə modulları, "GPS" və QLONASS modulları mövcuddur. Akkumulyator batareyasının tutumu 3050 milliamper/saat təşkil edir. Qurğunun  ölçüləri 144x72x8,1 mm, çəkisi 145 qramdır. Aparata "MIUI5" örtüklü "Android 4.2 Jelly Bean" əməliyyat sistemi quraşdırılıb.

"Xiaomi Mi-3" smartfonu oktyabrda satışa çıxarılacaq. 16 QB daxili yaddaşla təchiz edilmiş model təxminən 327 dollar qiymətinə, 64 QB yaddaşla olan model isə 410 dollara başa gələcək.

Emil Hüseynov
 
 




06/09/13    Çap et