“Apache” veb-serverinin populyarlığı azalır

“Netcraft” veb-monitorinq şirkəti 2013-cü ilin sentyabr ayının nəticəsinə görə internetdə fəaliyyət göstərən saytların sayı haqqında hesabat dərc edib.

“ICTnews” elektron xəbər xidməti “cybersecurity.ru” saytına istinadən bildirir ki,  sözügedən şirkətin məlumatlarına əsasən, şəbəkədə işləyən veb-saytların və bloqların sayı 767234152 olub ki, bu da ötən illə müqayisədə 28,2 milyon çoxdur.

Hesabat müəllifləri qeyd edirlər ki, “Apache” veb-serverinin bazar payı 45%-dək azalıb. Bu, son 15 ildə ən aşağı göstəricidir.

“Microsoft IIS” serveri öz bazasını 16,5 milyon host artırıb.

Emil Hüseynov
 

---