Vint Sörf: İnternetdə məxfilik problemli məsələdir

İnternetin atası Vint Sörf deyib ki, qlobal şəbəkədə məxfilik son dərəcə problemli məsələdir.

“ICTnews” elektron xəbər xidməti “itc.ua” saytına istinadən bildirir ki, məsələ heç də Xüsusi Xidmət Orqanları və ya proqramların istifadəçi aktivliyini izləməsində deyil. İnsanlar sosial şəbəkə və başqa resurslarda özləri haqqında informasiyanı çox həvəslə paylaşırlar.

ABŞ Federal Ticarət Komissiyasında çıxış edən Vint Sörf deyib ki, məxfilik normadan imtina etmə kimi qəbul edilə bilər. Həmçinin o deyib ki, şəbəkədə məxfiliyə nail olmaq olduqca çətin olacaq. Bunun təqsiri isə əsasən istifadəçilərin özlərindədir.

Emil Hüseynov

---