“Outlook.com” poçt xidmətində yeni funksiyalar işə salınıb

“Microsoft” şirkəti “Outlook.com” poçt xidmətini yeniləyib. Həm funksional, həm də dizayn dəyişikliyi həyata keçirilib.
 
“ICTnews" elektron xəbər xidməti “pitbit.ru” saytına istinadən bildirir ki, məsələn, “Outlook.com” poçt xidmətində "Undo" ("Geri") düyməsi işə salınıb ki, bir kliklə istənilən səhv əməliyyatı ləğv etmək olar.

Həmçinin elektron məktublara cavab vermək üçün yer məlumat mətni ilə birgə səhifədə göstərilməyə başlanıb, artıq istifadəçilər hər dəfə "Cavablamaq" düyməsini sıxmalı olmayacaqlar.
 
Emil Hüseynov

---