Azərbaycanda ötən ay sanksiyalaşdırılmamış insidentlərin sayı 4,2 faiz azalıb
Azərbaycan Xüsusi Dövlət Mühafizə Xidməti, Xüsusi Rabitə və İnformasiya Təhlükəsizliyi Dövlət Agentliyinin Kompüter İnsidentlərinə Qarşı Mübarizə Mərkəzinin statistikasına əsasən, ölkədə bu ilin iyul ayı ərzində 201 sanksiyalaşdırılmamış insident qeydə alınıb.
"ICTnews" xəbər xidmətinin "
www.cert.gov.az" saytına istinadən verdiyi məlumata görə, hesabat dövründə insidentlərlə bağlı açılmış sorğuların sayı 201, bağlanmış sorğuların sayı isə 184 olub. İnsidentlərin sayı iyun ayına nisbətən iyulda 4,2 faiz azalıb.
Mərkəz tərəfindən Azərbaycanın müvafiq qurumlarına 11 audit raportu göndərilib, iyun ayına nisbətən bu rəqəm iki dəfədən çox azalıb.
İyul ayında 3 yeni subdomen qeydə alınıb.
Aynur Vəliyeva