“Google” aptekləri qeyri-qanuni reklam etdiyinə görə 500 milyon dollar cərimə ödəyəcək

“Google” şirkəti 500 milyon dollar cərimə ödəməyə razılaşıb. Buna əvəz olaraq korporasiya ABŞ-da qadağan edilmiş onlayn apteklərin reklamından əldə etdiyi gəlir üzrə cinayət təqibindən azad ediləcək. Bu barədə “Associated Press” agentliyi məlumat yayıb.

Federal məmurların sözlərinə görə, 2003-cü ildən “Google” şirkətinin “AdWords” kontekst reklam sistemi vasitəsi ilə bəzi apteklərin Amerikada qadağan edilən resept preparatları satdığı məlum olub.

“Google” şirkəti 2011-ci ildə elan edib ki, bundan sonra reklamı yalnız öz ölkəsində fəaliyyət lisenziyasına malik olan apteklərdən qəbul edəcək.

---