“Android” mobil əməliyyat sistemi təqdim edilib

2008-ci il sentyabrın 23-də “Linux” nüvəsi əsasında yaradılmış “Android” mobil əməliyyat sistemi təqdim edilib. Sözügedən platforma ilk öncə “Android Inc.” şirkəti tərəfindən hazırlanıb. Daha sonra “Google” korporasiyası bu şirkəti satın alıb.
 
“Android” platforması ilə işləyən birinci qurğu “HTC” şirkəti tərəfindən hazırlanmış “HTC Dream” “ağıllı” telefonu olub. 2008-ci il sentyabrın 23-də məhz bu qurğu nümayiş etdirilib. Digər “ağıllı” telefon istehsalçıları sistemin işini müsbət qiymətləndirərək bu platformanı öz cihazlarına quraşdırmağa başlayıb.
 
Hazırda “Android” platforması “ağıllı” telefon bazarında liderdir.
 
Emil Hüseynov

---