Bakıda daha bir stansiya yeni texnologiya əsasında quruldu

Bakı Telefon Rabitəsi İstehsalat Birliyi paytaxtın mərkəzində yerləşən EATS 493/498-in NGN texnologiyası əsasında yenidən qurulması istiqamətində işləri başa çatdırıb.

Bu barədə bizə məlumat verən birliyin baş mütəxəssisi Elman Qədirovun bildirdiyinə görə, artıq şəhərin mərkəzini əhatə edən ATS 493/498-in rekonstruksiyasına başa çatmış abunəçi nömrələrinin yeni stansiya üzərindən verilməsinə başlanılıb.

Qeyd edək ki, NGN texnologiyası əsasında tamamilə yenidən qurulan stansiya vətəndaşlara mükəmməl rabitə xidməti ilə yanaşı, onların bütün multimedia xidmətlərindən istifadə etməsinə şərait yaradacaq.

---