Tarixi abidələr poçt markalarında əks olunub

Rabitə və Yüksək Texnologiyalar Nazirliyinin “Azərmarka” şirkəti Qarabağın tarixi abidələrinə həsr edilmiş poçt markaları buraxıb.
 
“ICTnews” elektron xəbər xidmətinin məlumatına görə, markaların üzərində ayrı-ayrılıqda Kəlbəcər rayonunda yerləşən, Qafqaz Albaniyası dövrünə aid Xudavəng kompleksi, Gəncəsər məbədi, Laçın rayonundakı Məlik Əjdər türbəsi (XIV əsr), Şuşa şəhərinin “Aşağı Gövhər ağa” məscidi (XIX əsr), Bərdə şəhərindəki “Allah-Allah” türbəsi (XIV əsr) və Ağdamın “Cümə” məscidinin (XIX əsr) təsvirləri yer alıb.
 
Markaların hər birinin nominal dəyəri 50 qəpiyə bərabərdir.
 
CAHANGİR

---