Rabitə və İnformasiya Texnologiyaları Nazirliyinin elektron xəbər xidməti

“Huawei” şirkəti ucuz “Honor 4C” smartfonunu nümayiş etdirib


Çinin “Huawei” şirkəti “Honor 4C” adlı ucuz smartfonunu təqdim edib. “LTE” şəbəkəsini dəstəkləyən yeni model ötənilki “Honor 3C” qurğusunu əvəz edəcək.

“Huawei Honor 4C” smartfonu 5 düymlük “HD” təsvir ölçülü ekran, 2 QB əməli yaddaş və 8 QB daxili yaddaş, 13 meqapiksellik əsas və 5 meqapiksellik ön kameralarla təchiz edilib.

"ICTnews" elektron xəbər xidməti “dailycomm.ru” saytına istinadən bildirir ki, yeni cihaz “SİM” kartlar üçün iki slot, “Bluetooth” və “Wi-Fi” simsiz rabitə modulları, “LTE” modemi və 2550 milliamper/saat tutumunda akkumulyator batareyası ilə təchiz edilib. Avtonom iş vaxtı açıqlanmayıb. Aparata “EM UI 3.0” istifadəçi interfeysli “Android 4.4” mobil əməliyyat sistemi quraşdırılıb.

“Huawei Honor 4C” smartfonu qara, ağ, qızılı, göy və çəhrayı rənglərdə əlçatan olacaq. Çində smartfonun qiyməti təxminən 129 dollar təşkil edəcək.

Emil Hüseynov
 




28/04/15    Çap et