Mərkəzi Seçki Komissiyasının elektron xidmətlərinə 9 ayda 10,5 min dəfə müraciət olunub

Bu il seçki ili olduğundan Mərkəzi Seçki Komissiyasının (MSK) elektron xidmətlərinə maraq yüksək olub.
 
Cari ilin 9 ayı ərzində komissiyasının elektron xidmətlərindən 10574 dəfə istifadə olunub.
 
“Elektron hökumət” portalı (e-gov.az) vasitəsilə MSK 6 e-xidmət göstərir.
 
Bu e-xidmətlərə “Ad, soyad və ata adı üzrə dairə və məntəqələrin axtarışı”, “Dairə və məntəqə ünvanlarının axtarışı”, “Dairə və məntəqələrin xəritə üzrə axtarışı”, “Onlayn müraciət”, “Seçici siyahısı üçün məlumatların daxil edilməsi” və“Seçici ünvanına görə dairə və məntəqənin axtarışı” xidmətləri daxildir.
 
CAHANGİR
 

---