Rabitə və İnformasiya Texnologiyaları Nazirliyinin elektron xəbər xidməti

2015-ci ilin üçüncü rübündə “Android” qurğularının 94 faizi təhlükə altında olub


İnformasiya təhlükəsizliyi üçün həllər istehsalçısı “Trend Micro Incorporated” şirkəti "Hazards Ahead: Current Vulnerabilities Prelude Impending Attacks" hesabatında 2015-ci ilin üçüncü rübü üzrə mobil platformaların informasiya təhlükəsizliyi ilə bağlı icmalını təqdim edib. Şirkətin nümayəndəsi bildirib ki, mobil qurğu istifadəçiləri kibercinayətkarların hədəfindədir. Hakerlər “Android” və “iOS” platformalarında aşkarlanan boşluqlardan istifadə edirlər ki, bu da hər iki platformada zərərli proqramların aktiv artımına səbəb olur.

“ICTnews” elektron xəbər xidməti “cnews.ru” resursuna istinadən xəbər verir ki, “Android” mobil əməliyyat sistemində multimedia fayllarının skan edilməsi və aşkarlanmasına cavabdeh olan “Mediaserver” komponenti kibercinayətkarların diqqət nöqtəsindədir. “Trend Micro”nun ekspertlərinin qiymətləndirməsinə görə, kibercinayətkarlar yalnız cari rübdə bu xidmətdə ən azı 5 boşluq aşkar ediblər.

“Apple” şirkəti isə sistemi qapalı edib və “App Store” onlayn mağazasında mobil proqramların yerləşdirilməsi ilə bağlı ciddi siyasətə malikdir ki, bu da mobil proqramların təhlükəsizliyini təmin etməlidir. Ancaq məlum olub ki, belə mobil proqramlar, həmçinin riskə məruz qalırlar.

Emil Hüseynov





18/12/15    Çap et