“Bestcomp Group” “Dr.Web”in biznes tərəfdaşı oldu

“Xalq kompyuteri” layihəsinin tərəfdaşı olan “Bestcomp Group” Rusiya şirkəti “Dr.Web”in biznes tərəfdaşı olub.
“Dr.Web” - İT təhlükələrin qarşısının alınması üzrə Rusiya bazarında liderdir. “Dr.Web” şirkəti 1992-ci ildə yaradılıb. Bu müddət ərzində dünyanın 92 ölkəsində rəsmi satış məntəqələrini yaratmağa nail olub. Şirkətin 3500 rəsmi tərəfdaşı mövcuddur.
Qeyd edək ki, Cənubi Qafqazın ən nüfuzlu İKT şirkətlərindən biri olan “Bestcomp” eyni zamanda “Oracle”dən “Qızıl partnyor” statusuna layiq görülüb.

---