“Google Play” proqramları quraşdırmazdan öncə onları yoxlamağa imkan verəcək

“Google Play” proqramlar mağazasında istifadəyə verilmiş yeni “Instant Apps” funksiyası smartfona quraşdırılmamış proqramı işə salmağa imkan verəcək.

“ICTnews” Elektron Xəbər Xidməti “macdigger.ru” saytına istinadən yazır ki, bu, proqram səhifələrində "indi yoxla" düyməsi şəklində reallaşdırılıb. Hazırda bu imkan yalnız ABŞ-da bir neçə proqram üçün əlçatandır, amma yaxın vaxtlarda bu funksiyanın dünyada bütün “Android” istifadəçiləri üçün əlçatan edilməsi planlaşdırılır.

Cari ilin yayında “Apple” şirkəti tamamilə yenidən işlənilmiş “App Store” təqdim edib. Yeni dizayndan başqa, müəllif və redaksiya məqalələri, həmçinin oyun və proqramlar səhifəsi üçün yeni vərəqlər əlçatan olub.
Bundan sonra “Google”, həmçinin proqramlar mağazasının interfeysini dəyişdirib.

Emil Hüseynov

---