2017-ci ildə “Əşyalar interneti” dünyasında istifadə edilən qurğuların sayı 20 milyarda yaxınlaşacaq
“Strategy Analytics” şirkətinin proqnozuna görə, 2017-ci ildə "Əşyalar interneti" ekosisteminə (IoT) aid internetə qoşulmuş qurğuların sayı 20 milyarda yaxınlaşacaq və növbəti 4 ildə daha 10 milyard “IoT” qurğu artım qeydə alınacaq.
“ICTnews” Elektron Xəbər Xidməti “
dailycomm.ru” saytına istinadən yazır ki, mütəxəssislər hesab edirlər ki, gələcəkdə "ağıllı" ev sistemləri “Əşyalar interneti” qurğularının artımını təmin edəcək. Həmçinin gözləntilərə görə, 2021-ci ilədək "ağıllı" ev qurğuları smartfonlarla müqayisədə daha çoxsaylı “Əşyalar interneti” kateqoriyası olacaq.
Bundan başqa, proqnoza görə, 2017-ci ildə "Əşyalar interneti" bazarının həcmi 17% artacaq, amma 2021-ci ilədək artım tempi 9%-dək azalacaq.
Emil Hüseynov