“Sony Ericsson”un mobil aparatlarının satışları azalır

“Sony Ericsson” şirkəti 2011-ci maliyyə ilinin üçüncü rübünün nəticələri haqqında məlumat verib. Hesabat dövrü üçün isveç-yapon ittifaqı 1,59 milyard avro qazanıb. 1 il əvvəl mobil aparat istehsalçısının gəliri 1,60 milyard avroya bərabər idi.

“Sony Ericsson” rübün nəticəsinə əsasən sıfır gəlir göstərib. Müqayisə üçün: 1 il əvvəl şirkət təxminən 50 milyon avro qazanıb və 2011-ci ilin ikinci rübündə isə təxminən elə o qədər də itirib.

“Sony Ericsson” mobil aparatlarının satışları azalır. 3 ay ərzində şirkət 9,5 milyon smartfon və mobil telefon satıb. Qeyd edək ki, 1 il əvvəl bu göstərici 10.4 milyon olub. Lakin, bu halda aparatların orta qiyməti 154 avrodan 166 avroya kimi qalxıb.

---