“Viber” messencerində yeni funksiyalar təqdim edilib
“Viber” messencerində istifadəçilərə 3 yeni funksiya təqdim edilib. Sözügedən xidmətin proqramçıları qrup çatlarında xatırlatma, yenilənmiş səsli mesajlar sistemi, həmçinin çatın ehtiyat surətinin yaradılması imkanını əlavə ediblər.
“ICTnews” Elektron Xəbər Xidməti
belta.by saytına istinadən yazır ki, “Viber” istifadəçiləri artıq qrup çatlarında konkret istifadəçilərə müraciət edə biləcəklər. Bunun üçün "@" simvolu yazmaq lazımdır, adını qeyd etdiyiniz insan isə ona edilmiş şəxsi müraciət haqda xəbərdarlıq alacaq.
Yeniləmədən sonra səsli mesajların müddəti 1 dəqiqə təşkil edir. Həmçinin məlumat itkisi zamanı onların əlavə surətlərinin yaradılması imkanı istifadəçilərin ixtiyarına verilib.
Emil Hüseynov