Artıq “Ocosmos OCS9 Windows” planşetini sifariş etmək olar

Noyabr ayının sonunda “İntel Oak Trail” aparat platformasında “Ocosmos OCS9” planşet kompyuterinin tədarükləri başlanacaq.

Qurğunun "ürəyi” 1 nüvə və inteqrasiya edilmiş “GMA 600” qrafik kontrolleri ilə olan 1.5 QHz takt tezlikli “Atom Z670” prosessorudur. Əməli yaddaş tutumu 2 QB təşkil edir; sensor ekranın ölçüsü 10,1 düymdür (1280×800 nöqtə).

Planşet “Wi-Fi” (802.11b/g/n) və “Bluetooth 3.0” kontrolleri, “GPS” naviqasiya sistemi qəbuledicisi, 1,3 meqapiksel matrislə ön kamera, “MicroSD” slotu və 2 ədəd “USB 2.0” portu ilə təchiz edilib.

“3650 мА∙h” tutumlu akkumulyator batareyası ilə avtonom iş müddəti 6 saata çatır. Kompyuterin ölçüləri 267×173×11,9 millimetrdir. “Ocosmos OCS9” planşeti 32 bitlik “Windows 7 Home Premium” əməliyyat sistemi ilə işləyir.

---