“WhatsApp” messencerinin düyməli telefonlar üçün versiyası əlçatan olub

“WhatsApp”ın tərtibatçıları eyniadlı messencerin Hindistanda populyar olan “JioPhone” şirkətinin düyməli telefonları üçün versiyasını təqdim ediblər.
 
“ICTnews” Elektron Xəbər Xidməti “iz.ru” saytına istinadən yazır ki, mobil messencerin qeyri-adi versiyasını “KaiOS” əməliyyat sisteminin onlayn mağazasından yükləmək olar.
 
Messencerin rəsmi bloqunda dərc edilmiş yazıya görə, düyməli telefonların  sahibləri “WhatsApp”ın yeni versiyasının köməyi ilə mesajlaşa, foto və video paylaşa, həmçinin səsli mesaj funksiyasından istifadə edə biləcəklər.
 
Emil Hüseynov

---