"Google" şirkəti 2019-cu ilin sonunadək öz axtarış sistemində "Adobe Flash" texnologiyasının dəstəyinin dayandırılması haqqında məlumat verib. "Google" veb səhifələrdəki "Flash" məzmunu nəzərə almayacaq, həmçinin avtonom SWF faylların indeksləşdirilməsini dayandıracaq.
"ICTnews" Elektron Xəbər Xidməti "securitylab.ru" saytına istinadən yazır ki, "çoxlu sayda animasiya, media və hadisələrdən ibarət "Flash" texnologiyası darıxdırıcı statik şəbəkə üçün bir alternativ idi. Bu, internetdə yeni məzmun yaradıcılarının çoxunu ilhamlandıran bir texnologiya idi. İndi "HTML5" kimi veb standartlar mövcuddur" – internet nəhəngi öz bloqunda yazıb.
Artıq "Google Chrome 76", "Microsoft Edge" və "Mozilla Firefox 69" brauzerlərində "Flash" texnologiyası başlanğıc ayar kimi deaktiv edilib.
Emil Hüseynov