Rabitə və İnformasiya Texnologiyaları Nazirliyinin elektron xəbər xidməti

Dünyada ən çox yüklənən proqram hansıdır?


“Facebook” şirkətinə məxsus “WhatsApp” messenceri artıq dünyada ən çox yüklənən proqram deyil. “Sensor Tower”in araşdırmasına görə, 2020-ci ilin yanvarında “TikTok” lider olub.

 

“ICTnews” Elektron Xəbər Xidməti “vesti.ru” saytına istinadən yazır ki, 2020-ci ilin yanvarında “TikTok” messenceri 104,7 milyon dəfə (“App Store” və “Google Play” məlumatları qeydə alınıb) yüklənilib. Ümumi yükləmələrin 34,4%-i Hindistanın, 10,4%-i isə Braziliyanın payına düşüb.

 

Ötən ilin müvafiq dövrü ilə müqayisədə “TikTok” yükləmələrinin sayı dünyada 46%, 2019-cu ilin dekabrı ilə müqayisədə 27% yüksəlib. 2020-ci ilin yanvarında “WhatsApp” yükləmələrinin sayı 90,6 milyon təşkil edib ki, bu da 2019-cu illə müqayisədə 10% çoxdur.

 

Ən çox yüklənən proqramların ilk beşliyinə, həmçinin “Facebook”, “Instagram” və “Facebook Messenger” daxildir.

 

Emil Hüseynov






27/02/20    Çap et