“Samsung” şirkəti portativ kompyuterlər üçün yığcam sərt daşıyıcı istehsalına başlayıb. “PM830” seriyasına aid olan yeni disklər “Toggle DDR” interfeysi ilə olan “NAND” fləş yaddaş əsasında hazırlanır. Onlar “SATA 3.0” kontrolleri və “mSATA” konnektoru ilə təchiz edilmişlər.
“Samsung” şirkəti 32, 64, 128 və 256 QB tutuma malik daşıyıcılar təklif edəcək; verilənlərin oxuma/yazma sürəti müvafiq olaraq 500 və 260 Mb/s-ə çatır. Verilənlər 256 bit uzunluğunda açarla olan “AES” (Advanced Encryption Standard) alqoritmi ilə şifrələnəcəklər.
Diskin ölçüləri 50,95×30×3,8 mm təşkil edir, çəkisi təxminən 8 qramdır. Daşıyıcıların hər şeydən əvvəl ultrabuklarda tətbiq ediləcəyi gözlənilir.