“Duracell” şirkəti dəyirmi litium batareyalarının dadını çox acı edib. Bu, həbə oxşar batareyanın təsadüfən balaca uşaq tərəfindən udulmasının qarşısını almaq kimi izah edilir.
“ICTnews” Elektron Xəbər Xidməti “vesti.ru” saytına istinadən yazır ki, şirkətin rəsmisi bildirib ki, kiçikölçülü enerji mənbələrinə tələbat artır, çünki elektronika, xüsusilə ev elektronikası daha yığcam olur. Belə batareyalar çox vaxt uzaqdan idarəetmə pultlarında, "ağıllı" evə quraşdırılmış sensorlarda və “Bluetooth” moduluna malik trekerlərdə istifadə edilir.
“Duracell” şirkəti balaca uşaqları batareyaların dadına baxmaq cəhdlərindən çəkindirmək üçün yeni modellərdə “Baby Secure” texnologiyasını (dadını olduqca acı edib) reallaşdırıb.
Emil Hüseynov