“Ericsson Mobility Report” hesabatına görə, 2020-ci ilin sonunadək 1 milyarddan çox insan “5G” şəbəkələrinin əhatə zonasında yaşayacaq. Bu halda qoşulmaların sayı 220 milyona bərabər olacaq.
“ICTnews” Elektron Xəbər Xidməti “ferra.ru” saytına istinadən yazır ki, mütəxəssislərin proqnozuna görə, 2026-cı ildə dünyada hər 10 qoşulmadan 4-ü beşinci nəslin şəbəkələrinin payına düşəcək. O vaxtadək isə dünya əhalisinin 60%-i “5G” şəbəkələrinin əhatə zonasında yaşayacaq.
İndi dünyada 106 kommersiya “5G” şəbəkəsi fəaliyyət göstərir. Çində bütün qoşulmaların 11%-i beşinci nəsil şəbəkələrinin payına düşür. “5G” şəbəkələrinin sayına görə ikinci yeri Şimali Amerika tutur.
Emil Hüseynov