“Huawei” şirkətinin əməliyyat sistemi quraşdırma üçün əlçatandır
Çinin “Huawei” şirkəti “HarmonyOS 2.0” əməliyyat sisteminin açıq beta sınaqlarına başlayıb. Əməliyyat sistemi artıq layihənin rəsmi saytında əlçatandır.
“ICTnews” Elektron Xəbər Xidməti “
ria.ru” saytına istinadən yazır ki, “Huawei P40”, “P40 Pro”, “Mate 30”, “Mate 30 Pro” smartfonları və “MatePad Pro” planşetinin sahibləri beta sınaq proqramında qeydiyyatdan keçə bilərlər. “Huawei” şirkətinin planına görə, 2021-ci ildə 100 milyondan çox qurğu bu əməliyyat sistemi ilə təchiz ediləcək.
“HarmonyOS 2.0” əməliyyat sistemi yalnız smartfonlara deyil, həm də daşınan elektronika, avtomobil sistemlərinə və məişət texnikasına quraşdırılacaq.
Emil Hüseynov