“Bloomberg” agentliyi tərəfindən hesablanan “Billionaires Index” (BBI) reytinqinin məlumatlarına əsasən, dünyanın ən zəngin insanları reytinqində bir aydan çox müddətdə birinci yeri tutmuş “SpaceX” və “Tesla” şirkətlərinin rəhbəri Elon Mask liderliyi “Amazon” şirkətinin qurucusu Ceff Bezosa geri qaytarıb.
“ICTnews” Elektron Xəbər Xidməti “ria.ru” saytına istinadən yazır ki, agentliyin məlumatına görə, Bezosun varidatı 191 milyard dollar, Maskın isə 190 milyard dollar təşkil edir.
Reytinqdə üçüncü yeri varidatı 137 milyard dollar məbləğində qiymətləndirilən “Microsoft” korporasiyasının banisi Bill Qeyts, dördüncü yeri isə “Louis Vuitton Moët Hennessy” şirkətinin prezidenti Bernar Arno (116 milyard dollar) tutublar. 104 milyard dollar varidata malik “Facebook”un yaradıcısı Mark Zukerberq reytinqdə beşinci olub.
Emil Hüseynov