199 dollar dəyərində planşet təqdim edib

“Archos” şirkəti “Android 3.2” əməliyyat sistemi ilə işləyən büdcəyə uyğun 70b planşetini təqdim edib. Planşetin qiyməti 199 dollar təşkil edir. Yeniliyin satışları 2012-ci ilin yanvarında başlayır.

Planşet 7 düymlü tutumlu 1024x600 piksel kəskinlikli ekran, 1.2 QHz takt tezlikli prosessor, 512 MB əməli yaddaş, qrafik sürətləndirici, “Wi-Fi” modulu, “HDMİ” çıxış və “microSD” yaddaş kartları üçün slotla təhiz edilib.

“Archos 70b” planşetinin istifadəçiləri “Google” şirkətinin bütün xidmətlərindən, həmçinin “Android Market”-dən istifadə edə bilərlər.

---