“Yandex”in həmtəsisçisi vəfat edib

“Yandex”in həmtəsisçisi, Direktorlar şurasının fəxri sədri Ben Koul 88 yaşında vəfat edib.Qeyd edək ki, o, 1993-cü ildə “Cole Management” investisiya fondunu yaradıb və MDB ölkələrinin yüksək texnologiyalar sferasının inkişafına investorluq edib.

2000-2008-ci illərdə Ben Koul “Yandex”in Direktorlar Şurasına rəhbərlik edib. Sonradan isə şirkətin fəxri sədri adına layiq görülüb.

Qeyd edək ki, “Yandex”in İdarə Heyətindəki dəyişiklik şirkətin hər il səhmdarlar arasında keçirdiyi iclasda təsdiq olunacaq. Yaxın vaxtlarda şirkət Koulun yerinə namizəd axtarmağa başlayacaq.
 

---