“PayPal”-da 2011-ci ildə mobil ödəmələrin həcmi 4 milyard təşkil edib

Populyar "PayPal" ödəmə sistemi 2011-ci ildə onun istifadəçiləri tərəfindən həyata keçirilmiş mobil ödəmələrin həcminin təxminən 4 milyard dollar təşkil etdiyi haqqında məlumat verib.

Bu göstərici 2010-cu il ilə müqayisədə xeyli çoxdur, belə ki, o zaman mobil ödəmələrin həcmi təxminən 750 milyon dollar təşkil etmişdi. Məlumat üçün qeyd edək ki, 2009-cu ildə isə mobil ödəmələr 141 milyon dollar olub.

Bu barədə "PayPal" ödəmə sisteminin mobil bölməsinin vitse-prezidenti Devid Markus (David Marcus) "VentureBeat" nəşrinə verdiyi müsahibəsində bildirib.
 

---