“Microsoft Office 2010” üçün ilk servis paketi istifadəyə verilib

“Microsoft” korporasiyası “Office 2010” ofis proqramlarının paketi üçün ilk servis paketini (SP1) istifadəyə verib. Kompleks yeniləmənin tərkibinə ənənəvi olaraq əvvəl buraxılmış “patch”-lar və sistem təhlükəsizliyində yenidən tapılmış “boşluq” və səhvlərin düzəldilməsi daxildir. Ofis məhsulunun digər komponentlərinin sabitliyi və sürəti yüksəldilib. Bundan başqa, əvvəllər “PowerPoint 2010”-da bütün slaydlara baxışdan sonra yanlış animasiya vəziyyəti yaranırdı. Bu problem aradan qaldırılıb. “Word 2010” mətn redaktorunda şriftlərin təsviri, vizuallaşdırma, diaqramların ölçüsünün dəyişdirilməsi və s. ilə bağlı səhvlər aradan qaldırılıb. “Access” faylının “Excel” kitabına eksportu (ixracı) vaxtı yaranmış səhv də aradan qaldırılıb.