“Microsoft” “İnternet Explorer 10” səyyahının yeni ilkin versiyasını istifadəyə verib

“Microsoft” “İnternet Explorer 10” səyyahının yeni ilkin versiyasını istifadəyə verib. Yeni versiya ilk növbədə proqramçılara və veb-istehsalçılara istiqamətlənib. İstifadəçilər səyyahın yekun versiyasının çıxış anına qədər “İE 10”-nun funksional imkanlarına girişə malik olmalıdırlar.
Yeni quraşdırılma variantına bir sıra son spesifikasiyalar: “Drag&Drop” texnologiyasının təkmilləşdirilmiş dəstəyi, formaların validasiyasının yeni mexanizmləri, veb-səhifələrdə elementlərin yerləşdirilməsinin yeni sistemi və digər yeniliklər daxil edilib. “Microsoft”, həmçinin yeni relizlə “HTML5” spesifikasiya dəstəyinin işini də təkmilləşdirib.
Yeni versiyada veb-istehsalçılar üçün ən əhəmiyyətli hadisələrdən biri “Web Worker APİ" dəstəyi olub. Bu texnologiya müasir prosessorlarda realizə edilən çoxaxınlılıq və çoxnüvəlilik hesabına veb-səhifələrin “JavaScript” emalını və müxtəlif "ağır" elementlərini əhəmiyyətli dərəcədə sürətləndirməyə imkan verir. “Web Worker” eyni zamanda bir çox skript icra etməyə icazə verir, bu da veb-istehsalçılara daha mürəkkəb veb-səhifələr yaratmağa icazə verir. “İnternet Explorer 10” səyyahının yekun versiyasının təxminən 2012-ci ilin martına istifadəyə verilməsi gözlənilir.

---