Rabitə və İnformasiya Texnologiyaları Nazirliyinin elektron xəbər xidməti

Hökumət və təhlükəsizlik xidmətləri hakerlərlə bacara bilmir?!


"Dünya ölkələri texnologiyaların inkişafı ilə ayaqlaşa və ölkələrini müasir kibertəhlükələrdən müdafiə edə bilmirlər" – bu barədə  ABŞ-ın milli kəşfiyyat rəhbəri Ceyms Klepper qeyd edib.

O, faktiki olaraq ABŞ hakimiyyətinin də kibertəhlükələrdən müdafiəyə zəmanət verə bilmədiyini təsdiqləyib.
"LulzSec" haker qrupu hökumət və bir sıra korporasiyaların saytlarına "DDoS" hücumlar həyata keçirib. "NASDAQ" və Beynəlxalq Valyuta Fondu serverlərinin "sındırılması" ABŞ-ın əsas sektorlarının və dünya iqtisadiyyatının zəifliyini vurğulayır" - Klepper bildirib.

Onun sözlərinə görə, əsas problemlərdən biri kompyuter casusluğu və xarici kəşfiyyatların ABŞ-ın qapalı kompyuter şəbəkələrinə daxil olmaq cəhdləridir.

O qeyd edib ki, ABŞ üçün kibersahədə əvvəlki kimi əsas təhlükə Çin və Rusiya dövlətləridir.
"2011-ci ilin oktyabr ayında dərc edilmiş tədqiqata əsasən, məhz bu iki ölkənin subyektləri ABŞ-ın kompyuter şəbəkələrinə kütləvi nüfuz edirlər və Amerikanın intellektual mülkiyyətini oğurlayırlar" - Klepper qeyd edib.
 


http://ria.ru/technology/20120201/553535758.html





03/02/12    Çap et