“Twitter”də gündə 200 milyon mesaj dərc edilir

“Twitter”in rəsmi bloqunda verilən məlumata əsasən, xidmətin istifadəçiləri hər gün 200 milyondan çox tvit (mesaj) dərc edirlər. Müqayisə üçün bildirək ki, 2009-cu ilin yanvarında hər gün göndərilən mesajların sayı yalnız 2 milyon təşkil edirdi.
“Twitter”, həmçinin keçən yarım il üçün 5 ən məşhur müzakirə mövzusunu fərqləndirib. Onlar: pop-müğənnilər Rebekka Blek və Britni Spirs, Misirin sabiq prezidenti Hüsnü Mübarək, “donuz qripi” və Pasxa olub. Məşhurluğu sürətlə artmasına baxmayaraq, “Twitter” əvvəlki kimi “Facebook” sosial şəbəkəsindən geri qalır.

---