POÇT

Tarix:27/02/12

“Azərpoçt” MMC sığorta şəhadətnamələrinin satışını həyata keçirir

"İCTnews" elektron xəbər xidmətinin məlumatına görə, hal-hazırda "Azərpoçt" MMC-nin bütün Regional Poçt filiallarında fəaliyyət göstərən avtomobillərin icbari sığortası prosedurları əməliyyatçılar tərəfindən əhaliyə tam şəkildə izah edilir. Eyni zamanda, sığorta şəhadətnamələrinin satışı həyata keçirilir.

Belə ki, ötən ilin sonlarında "Azərpoçt" MMC ilə "Atəşgah" ASC və "AtaSığorta" ASC sığorta şirkətləri arasında sığorta işinin inkişaf etdirilməsinə və etibarlı şəkildə həyata keçirilməsinə, sığortalıların və sığortaçıların hüquq və mənafelərinin qorunmasına yönəldilən, sığortaçıların maliyyə sabitliyinin təmin edilməsinə, sığorta sahəsində fiziki və hüquqi şəxslərin peşəkar fəaliyyətinin göstərilməsinə və sığorta müqavilələrindən irəli gələn münasibətlərin tənzimlənməsinə dair müqavilələr imzalanıb.

İmzalanan müqavilələrə əsasən, könüllü və icbari sığorta növləri üzrə xidmətlər "Azərpoçt" MMC-nin poçt filialları və şöbələri vasitəsilə sığorta olunanlara təklif edilir.

CAHANGİR

Baxış sayı: 1007