POÇT

Tarix:05/06/12

Maliyyə xidmətləri nağdsız ödənişi də sürətləndirəcək

"Maliyyə xidmətlərinin inkişafı" layihəsi uğurla icra olunan və böyük perspektivi olan layihələrdən biridir. Bu yaxınlarda lisenziya alan poçt şöbələrinin sayı minə çatacaq”. Bu sözləri “İCTNews”-a açıqlamasında "Azərpoçt" MMC-nin hüquq şöbəsinin müdiri Yaşar Əhmədov bildirib.

Onun sözlərinə görə, müəssisə geniş poçt şəbəkəsinə malik olmaqla bütün regionları, hətta ucqar dağ kəndlərini əhatə etməklə əhaliyə bank və maliyyə xidmətləri göstərilməsi ölkə iqtisadiyyatı üçün çox böyük əhəmiyyətə malikdir.”Hal-hazırda lisenziya alan poçt şöbələrinin sayı 974-dür. Bəzi texniki işlər var, onlar həyata keçirildikdən sonra belə şöbələrin sayı daha çox olacaq”- deyə o bildirib.

Şöbə müdiri eyni zamanda şəbəkənin daha da genişləndirilməsi ilə nağdsız ödəniş sisteminin inkişaf etdiriləcəyini qeyd edib.

RƏVAN

Baxış sayı: 1656