POÇT

Tarix:06/06/12

Azərbaycan poçtunun inkişaf modeli dünyada tətbiq olunacaq

Hazırda "Azərpoçt" MMC tərəfindən bankların göstərdiyi xidmətlər həyata keçirilir. "İCTnews" elektron xəbər xidmətinə məlumat verən müəssisənin baş direktor müavini Nazim Süleymanovun sözlərinə görə, "Azərpoçt" MMC-nin 200-dək məntəqəsində "Western Union" beynəlxalq ödəniş sistemi fəaliyyət göstərir.

"Artıq bank hesabları açılıb, ilk lokal plastik kartlar emissiya edilib. Bundan başqa, yerli və beynəlxalq ödəniş sistemlərinə, o cümlədən "SWIFT"-ə qoşulma təmin edilib. Hazırda "MasterCard"a qoşulma prosesi baş tutub. Xarici banklarda müxbir hesabları da açılıb".

Qeyd edək ki, Azərbaycanın poçt-maliyyə xidmətləri modeli Dünya Bankı və Ümumdünya Poçt İttifaqı tərəfindən də yüksək qiymətləndirilərək bu təcrübənin ölkələr arasında yayılması səmərəli hesab edilib. Bir sıra ölkələr və təşkilatlar, habelə Pan Afrika Poçt İttifaqı Azərbaycan modelinin öyrənilməsi və tətbiqi təşəbbüsü ilə çıxış edib.

RƏVAN

Baxış sayı: 1727