POÇT

Tarix:19/03/13

Azərbaycan mütəxəssisləri EMS Kooperativinin 2013-2016-cı illər üçün biznes planının müzakirəsində iştirak ediblər

Azərbaycan mütəxəssisləri Ümumdünya Poçt İttifaqının beynəlxalq bürosunun EMS şöbəsi ilə Rusiya Rabitə administrasiyasının birgə təşkil etdiyi seminarda iştirak edib.

Moskvada keçirilən seminarda Azərbaycan mütəxəssisləri ilə yanaşı, Avropa və MDB ölkələrinin 40-dək mütəxəssisləri də iştirak edib.

Seminar çərçivəsində EMS Kooperativinin 2013-2016-cı illər üçün biznes planı müzakirə edilib, ekspress göndərişlərinin izlənməsi və hesabatların hazırlanması, göstərilən xidmətlərin keyfiyyət monitorinqi, çatdırılma müddətinin təsdiqlənməsi və ekspress göndərişlərin keçməsi haqda elektron məlumatlarla mübadilə məsələləri müzakirə edilib.

Seminar çərçivəsində ekspress-göndərişlərin qəbulunun, emalının, daşınmasının və təhvil verilməsinin təhlükəsizliyi standartlarının tətbiqi məsələləri müzakirə edilib və gömrük ilə gömrük deklarasiyalarının tərtib edilməsi üzrə qarşılıqlı əməkdaşlığı, gömrükdən keçirilən ekspress göndərişlər üzrə elektron məlumat mübadiləsi, göndərişlərdə elektron rəsmi bildiriş sisteminin tətbiqi məsələləri baxılıb.

Eyni zamanda, müştərilərə təqdim edilən EMS-lərin nomenklaturasına, EMS-in brendinin və məhsullarının inkişafı üzrə marketinq təkliflərinə baxılıb. Seminar iştirakçıları EMS xidmətləri arasında hesablaşma məsələlərini, iş göstəricilərindən asılı olaraq ödəniş planının tətbiqi, iş göstəricilərindən asılı olaraq hesablaşmalar haqda çoxtərəfli sazişin imzalanması imkanını müzakirə ediblər.

Aynur Vəliyeva

Baxış sayı: 960