12px13px15px17px
Tarix:24/05/13

Məhsəti Gəncəvinin yaradıcılığının 900 illiyinə həsr olunmuş marka buraxılıb

Rabitə və İnformasiya Texnologiyaları Nazirliyinin "Azərmarka" şirkəti Azərbaycanın görkəmli şairəsi Məhsəti Gəncəvinin yubileyinə həsr olunmuş poçt markasını təqdim edib.

Şairənin yaradıcılığının 900 illiyi münasibətilə buraxılan markanın üzərində portreti təsvir olunub. Sözügedən markanın nominal dəyəri 60 qəpik təşkil edir.

Məlumat üçün bildirək ki, bu ilin əvvəlində Azərbaycan Respublikasının Prezidenti İlham Əliyev Məhsəti Gəncəvinin yaradıcılığının 900 illik yubileyinin keçirilməsi haqqında sərəncam imzalayıb.

Bununla yanaşı, şairənin yubileyi YUNESKO-nun görkəmli şəxsiyyətlərin və əlamətdar hadisələrin qeyd olunması proqramına daxil edilib. Bir neçə gün öncə Mədəniyyət və Turizm Nazirliyinin və ölkəmizin UNESCO yanındakı daimi nümayəndəliyinin təşkilatçılığı ilə dünyanın nüfuzlu qurumunun mənzil-iqamətgahında görkəmli Azərbaycan şairəsinin 900 illiyinə həsr olunan təntənəli mərasim keçirilib.

CAHANGİR



Baxış sayı: 873

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024