12px13px15px17px
Tarix:15/08/11

Sürücülər cərimələri poçt şöbələrində ödəyəcək

Yaxın vaxtlarda “Azərpoçt”MMC-nin Poçt şöbələrində Baş Dövlət Yol Polisi İdarəsi (BDYPİ) tərəfindən tətbiq olunan bütün cərimələrin ödənilməsi mümkün olacaq.
“Azərpoçt”MMC-dən verilən məlumata görə, vətəndaşların rahatlığı naminə həyata keçiriləcək bu əməliyyat Mərkəzi Bankın Kütləvi Ödənişlər üzrə Mərkəzləşdirilmiş Sistem vasitəsi ilə həyata keçiriləcək.
Qeyd edək ki, cərimə ödənilən zaman sürücülük vəsiqəsinin seriyası və nömrəsi (misal: AB346672) əməliyyatçı tərəfindən sistemə daxil edilməlidir. Onu da əlavə edək ki, ola bilsin ki, eyni zamanda sürücülük vəsiqəsi olmayan ödəyicilərdən ödənislərin qəbul edilməsi də mümkün olsun. Bunun üçün inzibati xəta protokolun nömrəsini (misal: DYP123456 vo ya YPİ/111125651) daxil etmə imkanı var.
Əvvəllər bank şöbələrində cərimə ödəməyə məcbur olan sürücülər bankların filiallarının az olması səbəbindən əlavə problemlərlə üzləşirdilər. “Azərpoçt”MMC-nin isə geniş poçt şəbəkəsinə malik olması onu birincinin üstələməsinə imkanlar yaradıb və bu, yol polisinin cərimələrinin ödənişində də özünü göstərəcək.



Baxış sayı: 2246

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






02 Dekabr 2022

01 12 2022