12px13px15px17px
Tarix:09/01/16

XXVI Ümumdünya Poçt Konqresi İstanbulda keçiriləcək

Dünyanın poçt sahəsi üzrə qərar qəbuledici şəxsləri qlobal poçt sektorunun gələcəyini formalaşdırmaq üçün Türkiyədə toplaşacaqlar.
 
Poçt xidmətləri ilə bağlı qərarlar 20 sentyabr-7 oktyabr tarixlərində İstanbulda baş tutacaq XXVI Ümumdünya Poçt Konqresində veriləcək.
 
Qeyd edək ki, konqres Ümumdünya Poçt İttifaqının (ÜPİ) ali orqanıdır və hər dörd ildən bir keçirilir.
 
ÜPİ-nin yaydığı məlumata görə, 192 üzv ölkənin səlahiyyətli nümayəndələri dünyanın yeni poçt strategiyası haqda əsas qərarları qəbul edəcək, beynəlxalq poçt mübadilələri üçün gələcək qaydaları müəyyənləşdirəcəklər.
 
 
2017-2020-ci illər üçün nəzərdə tutulan yeni sənəd konqresin Türkiyədə keçirilməsi nəzərə alınaraq, İstanbul Poçt Strategiyası kimi tanınacaq.
 
Məlumat üçün bildirək ki, ölkəmiz 1993-cü ildən etibarən Ümumdünya Poçt İttifaqının üzvüdür.
 
Həqiqət İSABALAYEVA



Baxış sayı: 330

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






24 Aprel 2017

23 04 2017