12px13px15px17px
Tarix:18/03/17

Dənizkənarı Milli Park ərazisində "İctimai internet" şəbəkəsi istifadəyə verilib

Bu gün Dənizkənarı Milli Park ərazisində Nəqliyyat, Rabitə və Yüksək Texnologiyalar Nazirliyi Bakı Telefon Rabitəsi İstehsalat Birliyi tərəfindən həyata keçirilən əhalinin pulsuz internetlə təminatını nəzərdə tutan "İctimai internet" şəbəkəsinin açılışı oldu. Artıq bu gündən etibarən paytaxt sakinləri və şəhərimizin qonaqları Dənizkənarı Milli Park və Dövlət Bayraq Meydanı ərazilərində pulsuz internetdən uğurla istifadə edə bilərlər.

Dənizkənarı Milli Park və Dövlət Bayraq Meydanı ərazilərinin ictimai internetlə təchiz olunması üçün Çinin "Huawei" şirkətinin avadanlıqları (Access Point) quraşdırılıb. Sözügedən ərazi üzrə 122 qoşulma nöqtəsi mövcuddur ki, bu da təxminən 8 minədək insanın eyni anda internetə çıxışını təmin edir. Tezliklə Dənizkənarı Milli Parkın "Ağ Şəhər" ərazisi də "İctimai İnternet" şəbəkəsinin əhatə dairəsinə daxil ediləcək.
 
Layihə çərçivəsində bir sıra təhlükəsizlik tədbirləri görülüb, eləcə də, risklər nəzərə alınaraq proqram təminatı və şəbəkə yerli və beynəlxalq mütəxəssislər tərəfindən test edilib.
 
Bundan başqa, "İçərişəhər" Dövlət Tarix-Memarlıq Qoruğunun ərazisi də pulsuz internetlə təchiz edilib. Çinin "ZTE" şirkətinə məxsus avadanlıqlarla burada 33 qoşulma nöqtəsi yaradılıb ki, bu da 2 mindən çox insana xidmət imkanı verir. 

Qeyd edək ki, xüsusi yanaşma tələb edən memarlıq abidələrinin ərazilərində işlər mütəxəssis nəzarəti altında dizayna xələl gətirməmək şərti ilə xüsusi həssaslıqla görülüb.

Layihənin icrası zamanı dünya təcrübəsi nəzərə alınıb. Şəbəkənin səmərəli paylanmasını və təhlükəsizlik tədbirlərini nəzərə alaraq sürət həddi və saat limiti də beynəlxalq standartlara əsasən müəyyənləşdirilib. 
 
İlin sonuna qədər bir sıra parkların da pulsuz internetlə təmin edilməsi nəzərdə tutulur. Bundan başqa, Heydər Əliyev Mərkəzinin parkında da bu istiqamətdə işlər həyata keçiriləcək.




Baxış sayı: 1638

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






20 Noyabr 2017

20/11/17
Bu planşet kompüterini təmir etmək mümkün deyil

Yeni “Microsoft Surface Book 2” planşet kompüterini, demək olar ki, təmir etmək mümkün deyil. “iFixit

20/11/17
“Facebook” istifadəçiləri yazıları silmək imkanından məhrum edib

“Facebook” sosial şəbəkəsi istifadəçiləri yazıları silmək imkanından məhrum edib. İndi sözügedən sosial şəbəkənin 

20/11/17
Enerjini insan bədənindən toplayan “ağıllı” “PowerWatch” saatları hazırlanıb

“Matrix Industries” şirkəti innovativ enerjidoldurma sistemi ilə təchiz edilən “ağıllı” “PowerWatch” saatlarının

20/11/17
Növbəti nəsil “iPhone” modelləri iki SİM kartla təchiz ediləcək

“KGI Securities” şirkətinin analitiki Minq-Çi Kuon 2018-ci ildə buraxılacaq “Apple” smartfonları ilə bağlı 

20/11/17
“YouTube”un mobil proqramında çoxdan gözlənilən funksiya istifadəyə veriləcək

“YouTube” servisinin mobil proqramının yeni versiyasının araşdırılması zamanı maraqlı detal ortalığa çıxıb

20/11/17
Smartfonların mobil şəbəkələrlə iş üçün sazlanması sadələşdiriləcək

“GSMA” Assosiasiyası operator sazlanmalarının smartfonların əməliyyat sistemləri ilə inteqrasiyası üçün açıq 

20/11/17
İnternetin yaradıcısı internetdəki reklam manipulyasiyalarından narahatdır

“URI”, “URL”, “HTTP”, “HTML” və “Ümumdünya Hörümçək Toru”nun ix

19 11 2017