POÇT

Tarix:21/11/11

Azərpoçt əməkdaşları ÜPİ-in regional seminarında iştirak edirlər

Rabitə və İnformasiya Texnologiyaları Nazirliyinin Azərpoçt MMC-in əməkdaşları Ümumdünya Poçt İttifaqının (ÜPİ) “Xidmət keyfiyyətinin yaxşılaşdırılması” strateji regional layihəsinin inkişafı çərçivəsində bu gün Moskvada öz işinə başlayan beşinci seminarında iştirak edirlər.

Seminar Regional Rabitə Birliyinin (RRB) İcraiyyə Komitəsi ilə əməkdaşlıq çərçivəsində təşkil olunub. RRB-in rabitə administrasiyalarının layihə üzrə milli əlaqələndiricilərinin iştirak etdiyi tədbir zamanı göstərilən poçt xidmətlərinin keyfiyyətinin yaxşılaşdırılması məsələlərinin müzakirəsi nəzərdə tutulur.

Bundan başqa, noyabrın 24-də Moskvada RRB-in Poçt Rabitəsi Operatorları Şurasının işçi qrupunun iclası da keçiriləcək. İclasda ÜPİ-in 2012-ci ildə Dohada (Qətər) keçiriləcək 25-ci Konqresinə hazırlıq məsələləri müzakirə ediləcək.

Baxış sayı: 1533