12px13px15px17px
Tarix:30/07/20

“Samsung Galaxy M31s” smartfonu tutumlu akkumulyator və 8 QB yaddaşla təchiz edilib

“Samsung” şirkəti “Galaxy M31” smartfonunun çıxarılmasından 5 ay sonra cihazın yenilənmiş versiyasını təqdim edib.

 

“ICTnews” Elektron Xəbər Xidməti “4pda.ru” saytına istinadən yazır ki, smartfon 2400x1080 piksel təsvir ölçülü, maksimal parlaqlığı 420 nit olan 6,5 düymlük “Super AMOLED” displey və 32 meqapiksellik ön kamera ilə təchiz edilib. “Galaxy M31s” smartfonu “Exynos 9611” mobil platforması, 6 və ya 8 QB əməli yaddaşa malikdir. Hər iki halda daxili yaddaşın tutumu 128 QB təşkil edir (256 QB-lıq “microSD” yaddaş kartı quraşdırmaq mümkündür).

 

Korpusun arxa tərəfində 64, 12, 5 və 5 meqapiksellik 4 sensordan ibarət əsas kamera modulu yerləşib. Qurğuya quraşdırılmış akkumulyatorun tutumu 6000 milliamper/saatdır, dəstəklənən enerji mənbələrinin gücü isə istehsal xəttinin əvvəlki modeli ilə müqayisədə 25 vattadək artırılıb.

 

Emil Hüseynov





Baxış sayı: 2066

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






16 Oktyabr 2021

15 10 2021