12px13px15px17px
Tarix:17/09/15

Mobil rabitə operatoru “Topla, təmizlə, fərqi gör!” ekoloji aksiyaya qoşulub

“Coca-Cola” şirkətinin bütün dünyada uzun illər ərzində dəstəklədiyi Beynəlxalq Sahilyanı Ərazilərdə Təmizlik Günü çərçivəsində “Bakcell” şirkəti və “Green Baku” ekoloji gənclər birliyinin həyata keçirdiyi “Let’s Do It!” proqramı ilə birgə olaraq sentyabrın 19-da Novxanı qəsəbəsi çimərliyində təmizlik aksiyası keçiriləcək.
 
 
“ICTnews” xəbər xidmətinin məlumatına əsasən, aksiya “Ocean Conservancy” təşkilatının təşəbbüsü ilə yaradılan və BMT tərəfindən dəstəklənən Beynəlxalq Sahilyanı Ərazilərdə Təmizlik Günü qeyd olunması çərçivəsində həyata keçiriləcək.
 
 
Hər il sentyabr ayında keçirilən Beynəlxalq Sahilyanı Təmizlik aksiyası “Coca-Cola” şirkəti tərəfindən artıq 20 ildir dəstəklənir və Yer kürəsində su hövzələri sahillərinin tullantılardan təmizlənməsinə yönələn ən irimiqyaslı könüllü hərəkatıdır.
 
 Bu il sözügedən aksiya “ASAN xidmət” nəzdində fəaliyyət göstərən “Green ASAN qrupu”, Azərbaycanın ilk mobil rabitə operatoru “Bakcell” şirkəti, “Green Baku” ekoloji gənclər birliyi, “Let’s Do It Azerbaijan” proqramı , Binəqədi Rayon İcra Hakimiyyəti, həmçinin “Urban.az” informasiya portalı tərəfindən dəstəklənir. Aksiyanın daimi tərəfdaşları sırasında Azərbaycan Ekologiya və Təbii Sərvətlər Nazirliyi, Milli Olimpiya Komitəsi, ADA Universiteti və “Youth Inc.” gənclərin sahibkarlıq proqramı yer alır.
 
 
Aksiya 19 sentyabr tarixində “Topla, təmizlə, fərqi gör!” şüarı altında Novxanı çimərliyində keçiriləcək. Bütün aksiya iştirakçıları “Coca-Cola” şirkəti tərəfindən nəqliyyat, idman köynəkləri, sərinləşdirici içkilər və qida, həmçinin təmizlik üçün lazımi ləvazimatlarla təmin olunacaqlar.
 
 
Aynur Vəliyeva



Baxış sayı: 1087

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024