12px13px15px17px
Tarix:05/12/17

“Trans-Avrasiya Super İnformasiya Magistralı” layihəsi üzrə işlərin intensivləşdirilməsi üçün növbəti yüksək səviyyəli görüş keçirilib

Bakıda "Bakutel-2017" Beynəlxalq Telekommunikasiya və İnformasiya Texnologiyaları Sərgi-Konfransı çərçivəsində "Trans-Avrasiya Super İnformasiya Magistralı" (TASİM) layihəsi üzrə növbəti yüksək səviyyəli görüş keçirilib.
 
Toplantıda çıxış edən nəqliyyat, rabitə və yüksək texnologiyalar naziri Ramin Quluzadə İKT sahəsinin inkişafı istiqamətində Azərbaycanda həyata keçirilən islahatlar fonunda TASİM layihəsinin əhəmiyyətindən söz açıb. Nazir bildirib ki, layihə  Azərbaycan Respublikası Prezidentinin diqqət mərkəzindədir və ölkə başçısının birbaşa dəstəyi ilə, son illər qonşu dövlətlərlə sıx əməkdaşlıq münasibətləri şəraitində bir sıra uğurlu regional infrastruktur layihələri həyata keçirilir.
 
Layihəyə qlobal səviyyədə siyasi dəstək verildiyini də qeyd edən nazir 2009, 2012 və 2013-cü illərdə BMT-nin Baş Assambleyasında TASİM layihəsi ilə bağlı üç qətnamənin yekdilliklə qəbul olunduğunu xatırladıb.
 
R.Quluzadə 2017-ci ildə TASİM layihəsi üzrə danışıqların daha  da intensivləşdiyini və real nəticələr əldə olunduğunu qeyd edib.
 
"Bilirsiniz ki, il boyu biz müxtəlif formatlı tədbirlərdə görüşürük və TASİM layihəsini də daim diqqətdə saxlayırıq. İl ərzində TASİM konsorsiumuna daxil olan 4 ölkənin (Rusiya, Çin, Türkiyə, Qazaxıstan) Bakıdakı səfirləri, həmçinin Azərbaycan Dövlət Neft Şirkətinin nümayəndəsi (SOCAR) ilə görüşlər keçirilib. Bunun davamı olaraq,  sentyabrda Almatı şəhərində TASİM işçi qrupunun növbəti iclası baş tutdu. Həmçinin Türkdilli Dövlətlərin Əməkdaşlıq Şurası çərçivəsində TASİM layihəsi üzrə xüsusi alt-qrup fəaliyyət göstərir və bu ilin noyabrında Türk Şurasının İstanbulda keçirilmiş nazirlər görüşündə digər məsələlərlə yanaşı, TASİM layihəsi üzrə faydalı müzakirələr apardıq".
 
Nazir TASİM layihəsinin ticarət, turizm və iqtisadi inkişafa töhfə verməklə yanaşı, müxtəlif dövlətlərdə yaşayan xalqların yaxınlaşmasına və davamlı inkişaf məqsədlərinə çatmasına  yardım edəcəyinə inandığını bildirib. O, tərəfləri işlərin sürətləndirilməsi üçün zəruri sənədləri imzalamağa dəvət edib.
 
Toplantıda Türkiyə Respublikasının nəqliyyat, dənizçilik və rabitə naziri Əhməd Arslan çıxış edərək bildirib ki, TASİM layihəsi gələcəyə hesablanıb. O, Türkiyə tərəfinin layihənin reallaşdırılması istiqamətində  hər cür əməkdaşlığa hazır olduğunu qeyd edib. O, bu layihənin iqtisadi-siyasi əlaqələrin inkişafı  baxımından böyük rola malik olduğunu vurğulayıb.
 
Rusiyanın  rabitə və kütləvi kommunikasiyalar nazirinin müavini Rəşid İsmayılov qeyd edib ki, layihə geniş olmaqla bərabər, texniki nöqteyi-nəzərdən bir qədər də çətin relyefə malikdir. Lakin bütün bunlar layihələndirmədə diqqətlə nəzərə alınıb. O bildirib ki, Rusiya tərəfi Cənubi Qafqaz regionu üçün əhəmiyyətli olan bu layihədə təmsil olunur.
 
Azərbaycan Respublikası Prezidenti İlham Əliyevlə bugünkü görüşündə Azərbaycanın regional əhəmiyyətli infrastruktur layihələrini uğurla icra etdiyini öyrəndiyini bildirən Beynəlxalq Telekommunikasiya İttifaqının Baş katibi Houlin Cao TASİM layihəsinin də qısa zamanda reallaşacağına əminliyini ifadə edib. O, layihəni təkcə Azərbaycan üçün deyil, Avropa və Asiya qitələri üçün də nəhəng telekommunikasiya infrastrukturu adlandırıb.
 
Çinin Sənaye və İnformasiya Texnologiyaları Nazirliyinin nümayəndəsi Çen Jiaçun layihənin reallaşmasına olduqca yaxınlaşıldığını qeyd edib.  "Çinin Sənaye və İnformasiya Texnologiyaları Nazirliyi olaraq bu layihədə iştirak edirik, inanırıq ki, tezliklə bu layihə işə düşəcək və müsbət nəticələr əldə olunacaq. Hesab edirəm ki, "China Telecom"un bu layihədə iştirakı olduqca əhəmiyyətlidir".
 
 "China Telecom"un  vitse-prezidenti Yang Liu çıxış edərək TASİM layihəsinin reallaşdırılması məqsədilə ətraflı texniki iqtisadi əsaslandırmanın aparılması üçün Azərbaycan tərəfindən irəli sürülmüş  birgə büdcənin yaradılmasını müsbət qiymətləndirib. "Ötən gün biz bu protokolu  imzaladıq. Hesab edirəm ki, bu, növbəti mərhələyə keçid üçün uğurlu nəticədir". 
 
Sonda tərəflərin birgə qərarı ilə layihənin reallaşdırılması üzrə işlərin intensivləşdirilməsi üçün memorandum imzalanması ilə bağlı qərar qəbul olunub. 
 
Məlumat üçün bildirək ki, vacib regional təşəbbüs olan "Trans-Avrasiya Super İnformasiya Magistralı" (TASİM) layihəsinin məqsədi Qərbi Avropadan Şərqi Asiyaya qədər Avrasiya ölkələrini əhatə edən transmilli fiber-optik xəttin çəkilməsidir. Layihə Frankfurt şəhərindən Honq-Konq şəhərinə istiqamətlənən əsas tranzit xəttinin qurulmasını nəzərdə tutur. Bu xətt Avropa və Asiyanın ən böyük informasiya mübadiləsi mərkəzlərini birləşdirəcək. Tranzit xətti Çin, Qazaxıstan, Azərbaycan, Gürcüstan, Türkiyədən keçərək Almaniyaya çatacaq. Ehtiyat Şimal tranzit xətti Rusiya, Ukrayna və Polşa ərazisindən keçəcək.
 
TASİM uzunmüddətli təşəbbüsdür və mərhələlərlə həyata keçiriləcək. Strateji baxımdan TASİM-in reallaşması iki mərhələdən ibarət olacaq. Birinci mərhələdə aparıcı region ölkələri və operatorları Qərbi və Şərqi birləşdirən əsas internet tranzit  infrastrukturunu yaradacaqlar. Bu tranzit infrastrukturu TASİM-in kommersiya baxımından əlverişli və sürətlə artan beynəlxalq IP internet tranzit bazarının tələbatlarına cavab verən layihə olmasına imkan yaradacaqdır.
 
İkinci mərhələdə TASİM qurulan tranzit infrastrukturundan istifadə edərək Mərkəzi Asiya olmaqla, açıq dənizə çıxışı olmayan Avrasiya ölkələrini münasib qiymətli bağlantı ilə təmin edəcəkdir. Milli telekom infrastrukturunun inkişaf planlarına uyğun olaraq yeni fiber-optik xətlər yaradılacaq, mövcud xətlər isə texnoloji baxımdan təkmilləşdiriləcək və TASİM şəbəkəsinə birləşdiriləcəkdir.
TASİM layihəsinin reallaşdırılması məqsədilə ətraflı texniki iqtisadi əsaslandırmanın aparılması üçün birgə büdcənin yaradılması  Azərbaycan tərəfindən irəli sürülüb, təklif müsbət qarşılanaraq protokolda öz əksini tapıb. 










Baxış sayı: 1607

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Aprel 2018

19/04/18
BMT-nin “Elektron ticarət və rəqəmsal iqtisadiyyat üzrə hökumətlərarası ekspert qrupu”na Azərbaycan sədrlik edəcək

Cari ilin 18-20 aprel tarixində Cenevrə şəhərində BMT-nin Ticarət və İnkişaf üzrə Konfransı (UNCTAD) 

19/04/18
Sinqapur mühəndisləri robotlara stul yığmağı öyrədiblər

Sinqapur Nanyan Texnologiya Universitetindən olan mühəndislər qrupu iki sənaye robotuna “IKEA

19/04/18
“TESS” teleskopu kosmosa buraxılıb

ABŞ Kosmik Agentliyi (NASA) Kanaveral kosmodromundan “SpaceX Falcon 9” raketdaşıyıcısı 

19/04/18
Elektron məktubların yazılma üslubunun analizi üçün ilk süni intellekt həlli təqdim edilib

Elektron məktubların yazılma üslubunun analizi üçün ilk süni intellekt həlli təqdim edilib

19/04/18
“Microsoft”un neyron şəbəkəsinə əsaslanan tərcümə proqramı internetsiz işləyəcək

“Microsoft” korporasiyasının “Microsoft Translator” proqramı neyron şəbəkəsi alqoritmlərinə əsaslanan 

19/04/18
Geyimə bərkidilə bilən çox nazik günəş batareyaları yaradılıb

“Riken-Toray Industries Inc”də çalışan yaponiyalı alimlər qalınlığı 3 mikrometr olan adi günəş panelləri 

19/04/18
“FlyJacket” sistemi dronu ekzoskelet vasitəsilə idarə edir

İsveçrənin Lozanna Federal Politexnik Məktəbinin mütəxəssisləri pilotsuz uçan aparatın ekzoskelet 

19/04/18
“Internet” adlı mobil brauzer təqdim edilib

“Amazon” şirkəti “Internet” adlı mobil brauzerini təqdim edib. Proqramçılar əmin edirlər ki, “Internet

19/04/18
Prezident İlham Əliyev Beynəlxalq Atom Enerjisi Agentliyinin baş direktorunu qəbul edib

Azərbaycan Respublikasının Prezidenti İlham Əliyev aprelin 18-də Beynəlxalq Atom Enerjisi Agentliyinin baş 

19/04/18
Yeni tip kompüter yaddaşı hazırlanıb

Çinin Şanxay Fudan Universitetinin alimləri özündə operativ və quraşdırılmış yaddaş xüsusiyyətlərini 

18 04 2018

18/04/18
30-dan çox nəhəng İT şirkəti kiberhücumlara qarşı razılaşma imzalayıb

“Microsoft”, “Facebook”, “HP”, “ARM”, “Cisco” və “Oracle” daxil olmaqla 34 nəh

18/04/18
Ölkəmiz sürətli poçt rabitəsi xidmətləri üzrə beynəlxalq mükafata layiq görüldü

İsveçrənin paytaxtı Bern şəhərində yerləşən Ümumdünya Poçt İttifaqında (ÜPİ) “EMS Kooperativinin 21-ci 

18/04/18
“5G” şəbəkəsinin kommersiya istifadəsinə verilmə vaxtı yaxınlaşır

“Huawei” şirkəti “5G” (NSA) qeyri-avtonom arxitekturası üçün şəbəkə nüvəsini sınaqdan keçirən ilk

18/04/18
Bakı və regionlarda genişmiqyaslı startap turlarına start verilir

Startap hərəkatının genişləndirilməsinə və vətəndaşların innovativ ideyalarının reallaşdırılmasına 

18/04/18
Azərbaycan yeni müddətə Beynəlxalq Telekommunikasiya İttifaqı Şurasının üzvlüyünə namizədliyini irəli sürüb

İsveçrənin Cenevrə şəhərində Beynəlxalq Telekommunikasiya İttifaqı (BTİ) Şurasının illik sessiyası öz işinə başlayıb

18/04/18
“Ağıllı” “Google” mikroskopu xərçəngi diaqnozlaşdırmağa kömək edəcək

“Google” şirkətinin mühəndisləri toxuma nümunələrində xərçəng hüceyrələrinin aşkarlanması 

18/04/18
Bu cihaz ən yaxşı smartfonlar reytinqində birinci olub

“Consumer Reports” saytı bazarda mövcud olan ən yaxşı smartfonların siyahısını dərc edib. “Galaxy S9” 

18/04/18
“Facebook” kibercinayətkarlıq fəaliyyəti ilə məşğul olan 120 qrupun işini dayandırıb

Jurnalist Brayan Krebs “Facebook” sosial şəbəkəsi tərəfindən kibercinayətkarlıqla məşğul olan təxminən