12px13px15px17px
Tarix:09/02/18

İspaniya ilə Azərbaycan arasında elektron imzaların qarşılıqlı tanınması istiqamətində müzakirələr aparılır

"Rəqəmsal Ticarət Qovşağı kimi Azərbaycan Respublikasının mövqeyinin gücləndirilməsi və xarici ticarət əməliyyatlarının genişləndirilməsi ilə bağlı əlavə tədbirlər haqqında" Azərbaycan Respublikası Prezidentinin Fərmanına müvafiq olaraq Nəqliyyat, Rabitə və Yüksək Texnologiyalar Nazirliyi tərəfindən elektron imzanın trans-sərhəd tanınması ilə bağlı beynəlxalq proseslərin öyrənilməsi və beynəlxalq əməkdaşlıqların qurulması istiqamətində işlər görülür.
 
İnformasiya-kommunikasiya texnologiyaları sahəsində beynəlxalq şirkətlərin nümayəndələri ilə görüşlər keçirilir, təcrübə mübadiləsi aparılır.
 
Bu istiqamətdə atılan addımlardan biri kimi Məlumat Hesablama Mərkəzinin (MHM) nümayəndə heyəti qabaqcıl İKT şirkətlərinin təcrübəsi ilə yaxından tanış olmaq üçün İspaniyaya səfər edib. Səfər çərçivəsində İspaniyanın "Elektron hökumət" həlləri ilə bağlı bir neçə qurumu ilə görüşlər keçirilib və ölkənin elektron hökumət sahəsində apardığı islahatlarla tanışlıq olub.
 
İspaniyanın Maliyyə və Dövlət İdarəetmə Nazirliyinin nəzdində fəaliyyət göstərən "National Coinage and Stamp Factory – Royal Mint" (FNMT-RCM) adlı qurumun prezidenti Hayme Sançes Revenqa işgüzar müzakirələr zamanı Azərbaycanla "Elektron imza"nın qarşılıqlı tanınması, həmçinin elektron xidmətlərin təkmilləşdirilməsi üçün təcrübə və resurs mübadiləsinə daim hazır olduğunu bildirib.
 
Qurumun İnformasiya Sistemləri və İqtisadi-Maliyyə Departamentinin direktoru Filip Amores Malero ilə müzakirələr zamanı MHM-in direktoru Elnar Əsədov və Milli Sertifikat Xidmətləri Mərkəzinin müdiri Arif Mailov ölkəmizdə elektron hökumət quruculuğu üzrə görülən işlər və inkişaf istiqamətləri barədə məlumat veriblər. Yaxın gələcəkdə Avropa İttifaqının e-İDAS qanunvericiliyinə uyğunlaşması istiqamətində birgə işlərin görülməsi,  qısa zamanda Azərbaycan və İspaniya arasında elektron imzaların qarşılıqlı tanınması üçün tərəflər arasında memorandum imzalanması nəzərdə tutulub.

Məlumat üçün bildirək ki, FNMT-RCM İspaniyanın dövlət qurumlarına, hüquqi və fiziki şəxslərə, o cümlədən vətəndaşlara "Elektron imza" sertifikatları təqdim edir. İspaniya vətəndaşlarının elektron şəxsiyyət vəsiqələrinə autentifikasiya və elektron imzanın inteqrasiyası qeyd edilən qurumun sertifikatları vasitəsilə aparılır. Hal-hazırda ölkədə FNMT-RCM tərəfindən verilən 6,5 milyon "Elektron imza" sertifikatı işləkdir. Sertifikatların tərkibində elektron möhür və elektron vaxt göstəriciləri də mövcuddur. Tranzaksiyaları kənar müdaxilələrdən qorumaq üçün qurum uzun illər bu sahəyə vaxt və işçi potensialı sərf edib. 




Baxış sayı: 83

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






18 Yanvar 2019

17 01 2019

17/01/19
Kompüter oyunları üçün ilk taktiki monitor təqdim edilib

“Gigabyte” şirkəti dünyada ilk “Aorus AD27QD” taktiki monitorunu təqdim edib.

17/01/19
Dünya süni intellekt texnologiyaları bazarının həcmi 52,5 milyard dollara çatacaq

2022-ci ilədək neyron şəbəkələr əsasında dünya kompüter təlimi və süni intellekt texnologiyaları 

17/01/19
Hindistan kiberhücumlarla mübarizə üzrə agentlik yaradacaq

Hindistan Silahlı Qüvvələri kiberməkanda təhdidlərlə mübarizə üçün agentlik yaradacaq. Bu haqda Hindistan 

17/01/19
Ötən il yüklənilən mobil proqramların 50 faizi Çin istifadəçilərinin payına düşüb

2018-ci ildə dünyada yüklənilən mobil proqramların sayı 194 milyard təşkil edib. Bu, 2017-ci ildən 

17/01/19
Ən ekstremal şərait üçün modulyar smartfon təqdim olunub

Çinin “Doogee” şirkəti tərəfindən təqdim edilmiş “S90” adlı qeyri-adi modulyar smartfon ekstremal şəraitdə 

17/01/19
Avropa Nüvə Tədqiqatları Mərkəzi yeni superkollayder tikəcək

Avropa Nüvə Tədqiqatları Mərkəzi (CERN) Böyük Adron Kollayderindən dörd dəfə böyük və altı 

17/01/19
Şirkətlərin 50%-də kompüterlər “Windows 7” sistemi ilə işləyir

“Windows 7” əməliyyat sisteminin dəstəklənmə müddətinə 1 il qalmasına baxmayaraq, şirkətlərin təxminən