12px13px15px17px
Tarix:13/06/18

Qabaqcıl smartfonlarda mobil internetin sürəti yoxlanılıb

Ekspertlər iki qabaqcıl - “iPhone X” və “Samsung Galaxy S9” smartfonunda mobil internetin işləmə sürətini sınaqdan keçiriblər. Eksperimentin nəticələri mütəxəssislərin təəccübünə səbəb olub.

“ICTnews” Elektron Xəbər Xidməti “VistaNews” resursuna istinadən yazır ki, testin yekununda məlum olub ki, Cənubi Koreyanın “Samsung” şirkətinin qurğusunda internet rəqib “Apple” smartfonundan 34 faiz daha sürətli işləyir.

Məlumata görə, mütəxəssislər tərəfindən eyni yerdə eyni rabitə operatorunun şəbəkəsindən istifadə olunub. Müəyyən olunub ki, “Samsung Galaxy S9” smartfonunda ən yüksək yükləmə sürəti 41,8 Mbit/saniyə, ötürmə sürəti isə 11,36 Mbit/saniyə təşkil edir.

“iPhone X” smartfonunda isə bu göstəricilər müvafiq olaraq 31,18 Mbit/saniyə və 9,88 Mbit/saniyə olub. “Apple” qurğusunda yükləmə sürəti 34 faiz, ötürmə sürəti 15 faiz geri qalır.

Qeyd edək ki, bundan əvvəl “Samsung Galaxy S9+” smartfonu iş sürətinə görə “Apple iPhone X” modelini üstələyib. Buna səbəb kimi Cənubi Koreya şirkətinin qurğusunda böyük tutuma malik operativ yaddaşın quraşdırılması qeyd olunur.

Nizam Nuriyev





Baxış sayı: 564

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024