12px13px15px17px
Tarix:06/08/18

“Google Glass” eynəyi autizmə tutulan uşaqların müalicəsi üçün istifadə edilir

Stenford Universitetinin alimləri autizm xəstəliyindən əziyyət çəkən uşaqlara kömək üçün “Google Glass” eynəyindən istifadə etməyə başlayıblar.
 
“ICTnews” Elektron Xəbər Xidməti “Hi-News www.hi-news.ru” resursuna istinadən yazır ki, tədqiqat çərçivəsində universitet ekspertləri Ketlin Foss və Nik Haber tərəfindən sifətin tanınması texnologiyası kompüter təlimi ilə uyğunlaşdırılıb. Yeni layihə “Autism Glass Project” adlanır. Xüsusi proqram ünsiyyət zamanı emosiyaları həmsöhbətin üz ifadəsinə görə müəyyənləşdirir, “Google Glass” istifadəçisi isə hazırda hansı emoziyaların ifadə edilməsi barədə məlumatlandırılır. Psixoloqların sözlərinə görə, bu, sosial bacarıqların inkişafına kömək edir.
 
Məlumata görə, keçirilən eksperimentdə autizmə tutulan 14 uşaq iştirak edib. Onlardan bir neçə gün ərzində adi həyatda eynəyi taxmaq tələb olunub. Nəticədə 14 ailənin 12-si tədqiqatın sonunda bildirib ki, uşaqlar görmə kontaktına cəhdə daha yaxşı reaksiya verməyə, eləcə də tədqiqatın aparılmasınadək rast gəlinməyən sadə dialoqlar qurmağa başlayıblar. Hazırda ekspertlərin məqsədi daha uzunmüddətli tədqiqatlar aparmaqdan, həmçinin “Google Glass” eynəyinin uşaq psixikasına təsirini öyrənməkdən ibarətdir. Çünki sistemin mahiyyət etibarilə öz effektivliyini sübut edəcəyi təqdirdə bu, psixoloqla işə əsaslanmayan yeni autizm terapiya metodu ola bilər.
 
Qeyd edək ki, “Google Glass” eynəyi ilk dəfə 2011-ci ildə təqdim olunub. Rəsmi təqdimat isə 2012-ci ilin ortalarında “Google” tərtibatçılarının konfransında baş tutub.
 
“Google Glass” eynəyinin başlıca xüsusiyyətlərindən biri istifadəçinin gözü qarşısında 640x360 piksel təsvir ölçüsünə malik bərkidilmiş ekrandır ki, bu da “Google” şirkətinin qiymətləndirməsinə görə, təxminən 2,5 metr məsafədə olan yüksək təsvir ölçülü 25 düymlü ekrana bərabərdir.      
 
Quraşdırılmış 5 meqapikselli kamera 720p yüksək təsvir ölçülü videonu yazmağa imkan verir. Məlumat və əlavələrin saxlanılması üçün istifadəçi qurğudakı 16 giqabaytlıq yaddaşın 12 giqabaytından yararlana bilər. Akkumulyatorun enerjisi adi gərginlikdə bir gün kifayət edir, lakin bəzi funksiyalar (məsələn, videonun yazılması) enerjidən daha sürətli istifadə edir.  
 
Qurğu “Wi-Fi” və “Bluetooth” standartlı simsiz rabitə modulları ilə təchiz edilib. “Bluetooth” vasitəsilə eynəyin smartfonla birlikdə işləməsi mümkün olur.
 
Nizam Nuriyev




Baxış sayı: 433

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Oktyabr 2018

18 10 2018

18/10/18
Kredit kartı ölçüsündə smartfon təqdim edilib

Yaponiyanın “Kyocera” yüksəktexnologiyalı şirkəti dünyada ən nazik telefon adına iddia edən yeni “KY-O1L

18/10/18
“Azərpoçt” MMC bank nominasiyasının qalibi olub

Azərbaycanın milli poçt operatoru “Azərpoçt” MMC “Mastercard” debet layihəsini uğurla tamamlayan bank 

18/10/18
ABŞ Kosmik Agentliyi Veneraya missiya göndərəcək

ABŞ Kosmik Agentliyi (NASA) Venera planetinə missiyanın göndərilməsi üçün “High Altitude 

18/10/18
Yeni çiplər internetin sürətini rekord səviyyəyə çatdıracaq

“Qualcomm” şirkəti internetin sürətini saniyədə 10 Qbit olmaqla rekord həddə çatdırmağa imkan 

18/10/18
Robot tarixdə ilk dəfə Böyük Britaniya parlamentində çıxış edib

Yaponiyada hazırlanmış “Pepper” adlı insanabənzər robot Böyük Britaniya parlamentinin komitə üzvləri 

18/10/18
Yeni mobil əlavə depressiya əlamətlərini müəyyənləşdirməyə kömək edəcək

“Mindstrong” tibb startapı “iOS” əməliyyat sistemi üçün yenilənmiş “Health” əlavəsini təqdim 

18/10/18
“microSD” yaddaş kartına alternativ təqdim edilib

Bir gün əvvəl nümayiş etdirilmiş “Mate 20” istehsal xəttinə aid yeni smartfonlar “Huawei” şirkətinin 

18/10/18
Britaniyada qurğuların müdaxilədən qorunması üçün təlimat buraxılıb

Böyük Britaniyada internetə qoşulan ev qurğuları istehsalçıları üçün təhlükəsizlik kodeksi dərc edilib

18/10/18
Yeni “Chrome 70” brauzerində təhlükəsizlik məsələsinə böyük önəm verilib

“Google” şirkəti tərəfindən təqdim edilmiş “Chrome 70” brauzerinin yeni versiyasında yeniliklərin əsas